Կրթական գործընթացը կազմակերպվում է
5 հիմնական փոխկապակցված ոլորտների միջոցով.
Արվեստ
ազգային արժեքների և ավանդույթների ճանաչում և
պահպանում
Սոցիալ-հուզական և ֆիզիկական զարգացում
Ոլորտ, որն ապահովում է երեխայի հոգեկան և մարմնական առողջությունը։
Բովանդակություն
Ինքնասպասարկում, խմբային խաղեր, էթիկայի կանոններ, սեփական և դիմացինի
սահմանների հարգում, կոպիտ և նուրբ մոտորիկայի զարգացում։
Արդյունքը 6 տարեկանում
Ինքնուրույն է կենցաղում, կարողանում է համագործակցել թիմում, կառավարել
կոնֆլիկտները և պատրաստ է դպրոցական կարգապահությանը։
Ստեղծագործական և գեղագիտական զարգացում
Ռեջիո Էմիլիա մոտեցման առանցքային ոլորտն է, որտեղ արվեստը դիտվում է որպես
լեզու։
Բովանդակություն
Աշխատանք տարբեր նյութերով (կավ, ջրաներկ, կոլաժ), ծանոթություն իտալացի և
ֆրանսիացի մեծ նկարիչների հետ, երաժշտական ռիթմիկա և թատերականացված
խաղեր։
Արդյունքը 6 տարեկան
Դրսևորում է ստեղծագործական երևակայություն, տիրապետում է տարբեր
տեխնիկաների և կարողանում է արտահայտել իր մտքերը տեսողական արվեստի
միջոցով։
Գիտական և հետազոտական գործունեություն
Բովանդակություն.
Բնության երևույթների դիտարկում, բույսերի և կենդանիների խնամք, պարզ
փորձարկումներ (ջուր, լույս, մագնիս), էկոլոգիական դաստիարակություն։
Արդյունքը 6 տարեկանում.
Ունի տարրական պատկերացումներ շրջակա միջավայրի մասին, կարողանում է ձևակերպել «ինչո՞ւ» և «ինչպե՞ս» հարցերը և փնտրել պատասխաններ հետազոտության
միջոցով։
Մաթեմատիկական և տրամաբանական մտածողություն
Բովանդակություն
Թվերի աշխարհ (1-20 և ավելի), երկրաչափական պատկերներ, չափումներ
(երկարություն, կշիռ), տարածական և ժամանակային կողմնորոշում (օրեր, ամիսներ,
ժամացույց)։
Արդյունքը 6 տարեկանում
Երեխան հեշտությամբ կատարում է պարզ գործողություններ, դասակարգում է
առարկաները ըստ հատկանիշների և կարողանում է լուծել տրամաբանական
խնդիրներ։
Լեզվական զարգացում և բազմալեզվություն
Բովանդակություն
Բառապաշարի հարստացում, հնչյունային լսողության զարգացում, պատմություններ
հորինելու և վերապատմելու կարողություն։
Արդյունքը
Հայերեն
Ազատ հաղորդակցվում է, ճանաչում է տառերը, կարողանում է կազմել բարդ
նախադասություններ։
Իտալերեն
Հասկանում է ուսուցչի հրահանգները, տիրապետում է առօրյա բառապաշարին
(գույներ, թվեր, ընտանիք), պատրաստ է առաջին դասարանի լեզվական ծանրաբեռնվածությանը։
Արտասանում է իտալական հիմնական արտահայտությունները, երգում է և մասնակցում կարճ երկխոսությունների։